Oblys ortalǵyndaǵy alańda óńirdegi etno-mádenı birlestikterdiń qatysýymen sahnalandyrylǵan qoıylym kórsetildi.
Alańda kıiz úıler. Jurtshylyq qurt pen qymyzdan, baýyrsaqtan, ózge ult ókilderiniń dastarhan mázirinen dám tatty. Shashý da mol. Etno-mádenı birlestikterdiń dostyq áýenderine Isa Baızaqov atyndaǵy oblystyq fılarmonııanyń konserttik baǵdarlamasy qosylyp, ásem áýender shyrqady. Ortalyq alańǵa jınalǵan jurtshylyqty oblys basshysy Bolat Baqaýov quttyqtady.
Merekeni qyzyqtaǵan úlkender, án shyrqap, bı bılegen jastar, kishkentaılar da kóńildi. Jalpy, «Qoǵamdyq kelisim» ortalyǵynyń basshysy Nurlan Kúljannyń aıtýynsha, Dostyq úıinde 300 adamǵa arnalǵan "Dostyq" konserttik zaly bar. Zal qazirgi zamanǵy akýstıka, dybys jáne jaryq apparatýralarymen jabdyqtalǵan. Ortalyqta etnomádenı birlestikter negizinde 27 vokaldyq-hor jáne 17 bı ujymdary, klýbtar qyzmet etýde. Mereke ortalyq alań men Ertis ózeni jaǵalaýynda, qalalyq mádenıet jáne demalys saıabaǵynda da jalǵasty.
Jaǵalaýyndaǵy «Shańyraq» atalatyn alańda qoldanbaly óner kórmesi jáne óńirlik sýretshilerdiń sýret jármeńkeleri ótti. Kelesi «Án-shashý» atta alańda konserttik, «Baldáýren» alańynda balalardyń oıyn-saýyq baǵdarlamalaryna arnaldy. «Shymyrlar» alańynda sporttyq saıystar jarysy, ulttyq oıyndar kórsetildi. Merekelik konserttik baǵdarlama, merekelik saýda, ulttyq jáne sporttyq oıyndar, oıyn-saýyq alańdarynyń berekeli dástúri-Birlik kúnine arnaldy. Elimizdiń estarda juldyzdary Otan, týystyq, dostyq taqyrybynda án shyrqady.
Farıda Byqaı,
«Egemen Qazaqstan»
Pavlodar
Sýretti túsirgen: Valerıı Býgaev